பிப்ரவரி 21ம் தேதி கட்சி பெயர் அறிவிக்கிறார் கமல்ஹாசன்!

நடிகர் கமல்ஹாசன், பிப்ரவரி 21ம் தேதியன்று கட்சி பெயர் அறிவிக்க உள்ளதாக, தெரிவித்துள்ளார்.

ஜெயலலிதா மறைவை தொடர்ந்து, நடிகர் கமல்ஹாசன் அரசியல் கட்சி தொடங்க உள்ளதாகக் கூறிவருகிறார். இந்நிலையில், தற்போது பிப்ரவரி 21ம் தேதியன்று கட்சியின் பெயர் அறிவித்து, தமிழகம் முழுவதும் சுற்றுப்பயணம் தொடங்க உள்ளதாக, அவர் குறிப்பிட்டுள்ளார்.

இதுதொடர்பாக கமல் வெளியிட்டுள்ள அறிக்கையில் கூறியுள்ளதாவது:

ஜனநயகத்தின் நாயகர்களை சந்திக்க சுற்றுப்பயணம் செய்ய உள்ளேன். உங்கள் ஆதரவோடு இந்த பயணத்தை துவக்குகிறேன்.தலைவன் வழிநடத்தவே இருக்க வேண்டும். என்னை வளர்த்தெடுத்த சமூகத்திற்கு நன்றி தாண்டி ஆற்ற வேண்டிய கடமைகள் உள்ளன. இந்த சந்திப்பு புரட்சிக்காகவோ, கவர்ந்திழுக்கவோ அல்ல; எனது புரிதல் மற்றும் எனது கல்விக்காக மட்டுமே.

குடியரசில் குடிமக்களை உயர்த்த வேண்டும். அதை நோக்கி என் பயணம் இருக்கும். நாம் சேர்ந்து தேரை இழுக்கிறோம் என்ற எண்ணம்வேண்டும். அதுவே ஜனநாயகம். கரம் கோரத்திடுங்கள்; களத்தில் சந்திப்போம். இவ்வாறு அவர் தனது அறிக்கையில் தெரிவித்துள்ளார்.

பிப்.,21ல் தனது கட்சி பெயரை அறிவிக்கும் கமல், அன்றே ராமநாதபுரத்தில் சுற்றுப்பயணத்தை துவங்குகிறார். முதற்கட்டமாக மதுரை, திண்டுக்கல், ராமநாதபுரம், சிவகங்கை மாவட்ட மக்களை சந்திக்க உள்ளார்.